*नगराध्यक्ष प्रणोतीताईं निंबोरकर यांनी घेतली मुख्यमंत्र्यांची भेट : शहर विकासावर ठोस चर्चा, जनतेत नव्या आशेची लाट*
गडचिरोली: नुकत्याच पार पडलेल्या नगराध्यक्षपदाच्या निवडणुकीनंतर अवघ्या चार दिवसांतच नवनिर्वाचित नगराध्यक्ष प्रणोतीताई सागर निंबोरकर यांनी थेट महाराष्ट्राचे लाडके मुख्यमंत्री
तथा गडचिरोलीचे पालकमंत्री मा. देवेंद्रजी फडणवीस साहेब यांची मुंबईतील कार्यालयात सदिच्छा भेट घेत आशीर्वाद प्राप्त केले.
या भेटीमुळे शहराच्या राजकीय व विकासात्मक वर्तुळात मोठी चर्चा रंगली असून,शहराच्या सर्वांगीण विकासासाठी नगराध्यक्ष प्रणोतीताई किती सजग, सक्रिय आणि परिणामकारक नेतृत्व देत आहेत,
हे स्पष्टपणे दिसून आले आहे.
या भेटीदरम्यान शहराच्या सर्वांगीण विकास आराखड्यावर सखोल, सकारात्मक आणि ठोस चर्चा करण्यात आली.रस्ते, पाणीपुरवठा, स्वच्छता, नागरी सुविधा, रोजगारनिर्मिती आणि भविष्यातील महत्त्वाच्या विकासकामांसाठी मुख्यमंत्री देवेंद्र फडणवीस साहेबांनी ठाम शब्द दिला, ही बाब शहरासाठी अत्यंत आश्वासक ठरत आहे.
निवडणुकीपूर्वी दिलेले विकासमुखी व जनसेवेचे आश्वासन प्रणोतीताई निंबोरकर यांनी केवळ शब्दांत न ठेवता
चार दिवसांत थेट मुख्यमंत्र्यांपर्यंत पोहोचून कृतीत उतरवले,यामुळे जनतेत विश्वास अधिक दृढ झाला आहे.
या महत्त्वपूर्ण भेटीवेळी बंटी भाऊ उर्फ कीर्ती कुमार भांगडिया,माजी जिल्हाध्यक्ष प्रशांत वाघरे,,गोविंदजी सारडा,सागर निंबोरकर, माजी आमदार नामदेव उसेंडि,माजी आमदार देवरावजी होळी
यांची उपस्थिती लाभली.
मुख्यमंत्री फडणवीस साहेबांचे अनुभवी नेतृत्व आणि नगराध्यक्ष प्रणोतीताई निंबोरकर यांची वेगवान, स्पष्ट व निर्णयक्षम कार्यशैली यांच्या समन्वयातून शहराचा विकास वेगाने होणार असून, येणारा काळ हा परिवर्तनाचा असेल,
असा ठाम विश्वास नागरिकांमध्ये निर्माण झाला आहे.
